Nga 19 deri më 21 qershor 2024, Elirjeta Beka, përfaqësuese e Rrjetit të Grave të Kosovës (KWN), anëtare e Rrjetit për Monitorimin e Buxhetit Gjinor (RBPGJ), mori pjesë në REAL DEAL Summit, i mbajtur në Institutin e Demokracisë, Universiteti Qendror Evropian (CEU) në Budapest, Hungari. Samiti mblodhi akademikë, organizata të shoqërisë civile dhe aktorë në nivelin e BE-së për të shqyrtuar së bashku mënyrat se si të vendosen njerëzit dhe planeti në qendër të tranzicionit të gjelbër dhe të drejtë.
Projekti REAL DEAL, “Reshaping European Advances towards green Leadership through DEliberative Approaches and Learning,” është një iniciativë shumëvjeçare e fokusuar në dizajnimin dhe zbatimin e qasjeve inovative të demokracisë deliberative që nxisin pjesëmarrjen reale të qytetarëve në formësimin e Green Deal-it Evropian.
Gjatë samitit, Elirjeta mori pjesë në një sërë seancash dhe panele që trajtuan ndërthurjen e angazhimit qytetar, politikave mjedisore dhe praktikave gjithëpërfshirëse demokratike. Ajo mori pjesë në seanca brainstorm-i mbi Protokollin dhe toolkit-in e REAL DEAL, duke ofruar rekomandime konkrete se si mjetet e angazhimit qytetar mund të adaptohen për të siguruar përfshirje gjinore, veçanërisht në rajone me hapësirë dhe burime të kufizuara qytetare. Këto diskutime janë veçanërisht të rëndësishme teksa BE përparon me strategjitë e zbatimit të Green Deal-it.
Elirjeta gjithashtu prezantoi punën e RrBPGj për pjesëmarrësit, duke theksuar rolin e tij në monitorimin e financave publike nga një këndvështrim gjinor dhe mjedisor. Ajo nxori në pah hulumtimin e ardhshëm të GBWN mbi transportin, që përfshin studime kombëtare dhe një analizë më të gjerë rajonale. Në fjalën e saj, ajo ftoi pjesëmarrësit dhe partnerët të bashkëpunojnë dhe t’i bashkohen komunitetit në rritje të GBWN.
