Menu
Родово одговорно буџетирање (РОБ) е стратегија која се фокусира на интегрирање на родовата перспектива во планирањето на буџетот, спроведувањето на буџетот и известувањето за буџетот.
РОБ има за цел да се подобри еднаквоста помеѓу жените и мажите врз основа на родова анализа во секоја фаза од буџетскиот процес. Тоа значи буџетот да ги рефлектира различните потреби на мажите и жените, да се спроведат буџетски мерки од кои корист ќе имаат мажите и жените и ќе се затворат определени јазови на родова нееднаквост кои постојат; но и известувањето за тоа како се трошеле јавните пари да вклучува информација како спроведениот буџет влијаел на статус на мажите и жените како и на родовата нееднаквост.
Оттука на родовиот буџет не треба да се гледа како на дополнителен или одделен буџет за жени, туку како начин за подобро планирање и буџетирање врз основа на конкретни докази за родовата нееднаквост и како буџетот влијае на нејзино намалување.
Марија Ристеска е задолжена за модулите кои ги покриваат основните концепти за родова еднаквост и РОБ, најдобрите практики, следење на јавните политики во поглед на родовата компонента и изработка на сеопфатни извештаи.
Ристе Јуруковски е специјализиран за анализи за јавни политики и проценки на влијанието на регулативата,. Ристе е задолжен за модулите кои се однесуваат на извршувањето на буџетот и за планирањето на приходите и расходите од родова гледна точка.
Мирела е страстна активистка и борец за правата на луѓето. Таа е магистер по бизнис администрација од Универзитетот Шефилд во Обединетото Кралство. Мирела е задолжена за пренос на знаење поврзано со концептите за родова еднаквост.
Славица Стриковиќ дипломира на Електро-техничкиот Факултет во Универзитетот на Црна Гора и е магистер по Родови студии на Факултетот за хуманистички науки. Славица е задолжена за модулот кој се однесува на анализа на родови расходи.
Фарнсворт има долгогодишно искуство во поглед на РОБ и тоа од различни сфери, но во рамките на МРОБ таа е задолжена за пренесување на техниките за лобирање и застапување по однос на РОБ, како и зајакнување на жените.
Наталија е искусен и повеќејазичен консултатнт за јавни политики и родови прашања. Во последните 9 години има работено на многубројни проекти и консултантски области за родова еднаквост вклучувајќи ги EVAW, GRB и GM во водечки компании и организации на ОН.
Subscribe to our newsletter to receive updates, news, and insights about our work in gender equality
Center for Research and Policy Making – Network for Gender Responsive Budgeting
With funding from
