Успешно бевме домаќини на вебинарот со наслов „Регулирање на мајчинското и татковското отсуство – влијание врз трошоците и промена на родовите вредности“, на кој присуствуваа повеќе од 80 учесници од регионот.
Нашите стручни панелисти – Јелена Пераниќ Атенеле (DG JUST D3), Марија Ристеска (Центар за истражување и креирање политики), Славица Штриковиќ (Женска акција), Алина Андроначе (Партнерски центар за развој), Амина Диздар (Сараевски отворен центар), Дита Добрања (Економски експерт) и Јано Пушкар (татко кој користеше татковско отсуство во Војводина, Србија) ги споделија своите сознанија и искуства, а имавме и големо учество на публиката.
Јасно е дека постои зголемена свест за ЕУ Директивата за рамнотежа помеѓу работата и животот на родителите и старателите, трошоците и придобивките – вклучувајќи ги и промените на родовите норми кои можат да произлезат од усогласувањето на националното законодавство со ЕУ директивата. Има огромна потреба од политики за родителско отсуство кои ги поддржуваат и мајките и татковците.
Препраки кои произлегоа од вебинарот:
-Граѓанските организации (ГО) треба да ја зголемат својата улога во следењето на имплементацијата на овие регулативи и застапувањето за промени кои би биле од корист за семејствата. Ова вклучува подигање на свеста кај татковците за нивните права за татковско отсуство и охрабрување да ги искористат. Граѓанските организации, исто така, треба да работат за да обезбедат дека регулативите се ефективно имплементирани и дека семејствата имаат пристап до поддршката што им е потребна.
-Владите во регионот треба да продолжат да го усогласуваат своето законодавство со директивата на ЕУ од 2018 година и да обезбедат повеќе бенефиции за родителите и старателите. Ова би помогнало да се создаде попријатна работна средина за семејството и да се промовира родовата еднаквост на работното место и дома.
-Постои потреба од поголема соработка помеѓу граѓанските организации, владите и другите засегнати страни во регионот за да се креираат политики кои ефективно ги поддржуваат семејствата и промовираат родова еднаквост. Со тоа, можеме да создадеме поинклузивно општество каде и мажите и жените имаат можност да ги балансираат нивните професионални и лични животи.
Вебинарот беше организиран во синергија помеѓу двата проекта – „Зајакнување на транспарентноста и одговорноста за родова еднаквост во Западен Балкан и Молдавија“, поддржан од Австриската агенција за развој и Шведската агенција за меѓународна развојна соработка и проектот „Низ женски леќи: покревање на политики и буџетски иницијативи, следење на спроведувањето на локалните акциски планови за родова еднаквост“, финансиран од Европската Унија.
Извештајот од Вебинарот може да го прочитате ТУКА.
